احب اقدملكم قصيدة للشاعر المبدع عباس جيجان بعنوان ( تأقلم )
تأقلم كالي البطران وتوكل على الله وصفي النية....عيش لذاتك وية الناس ونسى اهمومك اشوية
مهية الدنية صارت هيج كلمن منزويلة وخاتل بفية....ولا تذكر فراتك يوم ولا دجلة وشواطية
بدلهن بنهر الراين المعروف وفروعة ومجارية....وخلنة من الوطن هساع وقصورة ومحارية
بدلة بوطن نيذر لاند وصوشالا ومصارية....وخلنة من الطفولة وعمرك التعبان وسنينة ومحاجية
هية الناي نفس الناس بس تختلف باللهجات والنية....اذا رايد صديق اهنا بدل روب بعطية
واذا رايد تشم نسمة عليلة من هوة بغداد....هوانا بنتهوفن ينعش الرية
واذا رايد كهكهة وعشرة دفو نسوان...بدل مارغريت بجهرة بهية
واذا حنيت لاغاني داخل حسن والمنكوب ورياض احمد يغني محمداوي بطور الابوذية
انا اليا ويل ياويلاه ومحاضن الجوبية....دسمع مايكل شيكول من اوتار صوتة اطك تراجية
واذا يردح على المسرح اظن يمرد جلاوية
عليمن تنقهر على الفات مهية الدنية مكظية....وطنة الي بنينا بدمع وظلوع صفة بطن الحرامية
وعليمن للصبح سهران كاعد بس تعد انجوم....تحسب زحل وثريا وعليمن عينك ربية
كطعنة الياس من عدهم بعد فد نوب لاروحة ولا جية....اتأقلم وانا الممنون يا خايب غصبن علية
اتأقلم واجيك من الصبح بالشورت حافي بطرك رجلية....واذب عكالي ذاك الزين واحط براسي طاكية
وروح للديسكو كل يوم واركصلك ركص مذبوح....واكلك شوفني شبية
اتأقلم واصيحن حيل فالتحيا الدمقراطية
الإثنين أغسطس 17, 2009 7:46 pm
