سوالف المغتربين تعالوا كلكم

خوش موضوع بس ميصر نحجي شون مجان

ومن نحجي لازم نعرف شدا نحجي ميصير نحجي شي خارج عن القوانين او انسيئ الى بلد اي ان كان هذا البلد

والموضوع حلو كلش

طبعاً كل بلد انروحلة غير بلدنة انكون ضايجين

بس لمدة معينة وبعدين نتعود على كل شي .. ونتعرف على اصدقاء جدد يمكن بالعراق ما نشوفهم

اكيد جان اكو بالبداية حالات محد يكدر يستحملها من الضوجة والحرمان

بس رغم هذا تعودنا

والغربة الها فوائد هواية

اول شي اتعلمك على نظام مجتمع جديد

وتتعرف على ثقافات جديدة

وفي نفس الوقت اتقويك وتعلمك هواية شغلات جانت بعيدة عنك ومجنت مفكر بيها

مثلاً مسوليتك على نفسك هاي ابسط شي

واني استفاديت شخصياً من الغربة

صرت مدرس تعليم مسيحي مراحل المتوسطة

وتعملت كيتار ... وقويت اللغة الانكليزية مالتي اهنانة

واني درست بالعراق حاسوب بس جيت اهنانة اتقويت وطبقت عملي صرت اعرف كل شي بالحاسوب

صيانة جانت او برمجة

فا مثل منشوف اكو هواية فوائد اتعلمتها من الغربة والي ايكلك الغربة ما بيها شي مفيد كلة غلطان

واني حالياً ابسوريا اعيش

وماكو اي مشاكل .. وللعلم اني عايش قريب من النوازح

و صارلي 5 سنين ما سويت ولا صارت مشكلة ابد لان الانسان ايروح ابدربة ويرجع محد يحجي وياه

ويكون محترم نفسة الكل يحترمة

خلصت هههههههههه

تحياتي