رسالة من بغداد الى كل العراقيين

...*رسالة من بغداد إلى كل العراقين *....

أحــس روحي غريـبـة هنا من يـوم إلتركتــوني ..
تانيـــت سنيــــن ودهـــر حتى ترجعــولي ..
ثاري العمر كله إنكضـه وإنتم هجــرتـوني
لميــت جــروح القـلب ونشفـــت دمــوعــــي..
وبثـوب الحزن غنيــت يا لرحــتوا سمعـوني..
بغــداد ذكروني إبوكت وكلمة إكتبـوني..

مريت وكت العصر ،، متعني يم حمود ..
خدرلي جاي وبجه ،، وسولف سوالف سود..
كال انته من ياسلف ،، كتله ابفرات الجود ..
دورته بالخارطة لن الوطن مفقود..

ومريت للمدرسة اتامل الطلاب..
شو شفت طالب بجه وحط بين اديه كتاب..
بيه خارطة للوطن وعيونه كله عتاب..
كتله ابني كافي البجي بالصف تره ممنوع..
يابويه بعدك طفل وتبجي بجي مفجوع..
كال انه بالخارطه الكيت الوطن مبيوع..

متواعد ويه الفرح..
والوعد صارله سنين..
لا مر علي بحلم ..
ولا شفته شوف العين..
ناشدت وين الفرح؟..
كالولي متأسفين..
ممنوع هسه الفرح ،، عن كل العراقيين..

عموري ابني طلع مارد اله يومين .
سالت كل البشر عموري ابني وين . .
كلمن يجاوب شكل زين الجواب وشين . .
واحد يكول معتقل يطلع بعد سنتين . .
واحد حجالي عمر اعرف طريقه منين . .
وداني للمشرحه وكالي دور على ابنك هين . .
ولكيت 100 عمر ولكيت 100 حسين . .
ولكيت كل الوطن يلطم على الخدين . .
مادام نبجي سوى منهو الكتل الاثنين . .
مادام نبجي سوى منهو الكتل الاثنين . .

شكرااا لمووضووع الرااائع وهناا مكاانه

شكرا ع القصيدة الرووووووووعة

تحيتي

واوو قصيدة روعة وكلمات اروع عاشت ايدج

mnoreen

مشكورين على الموضوع ررررررررروعة والجهود راائعة

تحياتى

موضوع يخبل
تحياتي
الماتادور

» لعيونكم قصدية للمغتربين العراقيين
» الى بغداد الجريحة
» الى بغداد الحبيبة
» ****بغداد****
» الى بغداد