مهم جدا لكل واحد جديد ابهل منتدى

شونكم يا احلى شباب وصبايا

اول شي انرحب بيكم ابهل منتدى

ونتمنى ان ايكون هذا المنتدى بيتكم الثاني الي تستفادون منة وتفيدون

بس شون منعرف الكل بيت الة شوية شروط زغيرة

وهذا المنتدى عدنة شرط واحد هو ( انطينا معلوماتك الشخصية )

اكيد الكل راح يسال ليش انطي

والجواب هو

اول شي حتى نحمي منتدانا من الاشخاص الغير المرغوبين بيهم

مثل الي ايحاولون ان ايضرون الموقع والخ

وثاني شي هذا الموقع مسيحي ( فقط للمسيحيين )

ثالث شي والي هو اهم شي

انريد نحمي الاعضاء الموجودين ابهل منتدى من هواية اشخاص احتمال ايكونون مزعجين او غير مؤدبين ( حشا الزين )

ومثل متعرفون هذا الموقع يجمع اعضاء اخوية الراعي الصالح يعني موقع ديني

زين هسا راح تسال شون اني انطي معلوماتي والمن

وهذا الشي من حقك

اول شي اذا انت ثقتك عالية ابنفسك ومتخاف تكدر بالجات تنطي المعلومات لل مدراء ( ادارة الموقع )

او اذا متحب ان احد يعرف بس الادراة تكدر ادز رسالة خاصة الاحد المدراء الي هما ( وتر الأحساس او غير عنهم )

زين هسا اتكول شراح اكتب بيها وشنو هو الشرط

حلوو وصلنة للشي المهم

اول شي تختار احد المدراء وتكتبلة رسالة خاصة واذا متعرف اسال واحد من اصدقائك ايعلمك

واكتب بيها بس 3 شغلات

الي هي ( اسمك الحقيقي .. وين ساكن .. وشون عرفت بالمنتدى )

اي يعني مثلاً ( توني نادر .. سوريا / مساكن برزة .. عن طريق صديقي اسمة مازن )

عرفتو شون اتصير الكتابة سهلة وميحتاجلها شي

بس احب اذكر الكذب صفة مو حلوة واكيد هذا موقع ديني واذا كذبت راح تعكس شخصيتك الضعيفة كدام الاعضاء الباقين

لان كلهم جاوبو ابصراحة وللعلم الكل معروفين .. واحب اذكر ابشي مهم

يعني اخاف عجبك تشاقة وية الادارة نصيحة لا تشاقة وشنو لا اتجذب لان كل شي ايبين يمنا

من الايبي مال حاسبتك ( يعني انطلعك وين متكون بالخريطة حتى بيتكم ) للأيميل الي اشتركت بي

اكيد هذا الشي مو تهديد بس شنو نصيحة مني الكم

واكيد ومن المحزن طبعا يعني الي مراح ايوافق على هل شرط البسيط اكيد وبكل حزن راح نلغي اشتراكة لان موافق على هذا الشرط

وارجو ان انكون صورة حلوة الكم لا غير

وبالنهاية احب اكول احنة انرحب بيكم مرة ثانية

ونتمنى ان ايكون هذا المنتدى بيتكم الثاني يا احلى اعضاء

الأدارة