ليش بابا نؤيل ما يجي للعراق ؟؟؟

ليش بابا نؤيل أبد ميجي للعراق؟

سؤال وجه الى بابا نؤيل عن نيته لزيارة العراق خلال السنة القادمة ولماذا لم يزرالعراق هذه السنة؟
اجاب من منزله بالقطب الشمالي مشكورا: :

مِثل ماتعرفون إن (بابانؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق... گال: إييييي.. هذولة خطيـّة خلي أساعدهم... المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..حي أور تحديدا//خطية شلون اتورط ورطة
//
بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخبطها بِبريك قوي، حتى الغراض اللي بالعربانة وگعنْ واطّشرنْ... وگام يصيح: لگيت بيت... لگيــت .. نِزل بالسطح وبُقه يدوّر على فتحة مال مدخنة يفوت منها!!.. ماكو... راد باب مفتوحة !!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب

.
المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي ..حرامي !!!).. وعينكم ما إتشوف الاّالنور.. إشتغلتْ الطلقاتْ والبوكسياتْ وحتى قاذفات وهاونات.. على هالرجّال المسكين..واللي يصيح هاذة الزرقاوي واللاخ ايكول لا يابه هاذه ابو حمزه المهاجر.المهم هوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب

.
والتمّت الهمرات والحرس الوطني والشرطة وأجه قاسم عطه وعبود كنبروالقيادات كلهه وكامو يسئلون الناس عله اللي شافوه... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق وهلسوله لحيته ونتفوهه اتنتف.. وبالتحقيق محد صدّگه وكل ما يفك حلگه..يجي راشدي.. وبعدين زينوه صفر وأخذوا موبايلةوالروب مالته وانطوه ابدالهن بجامه بازه. وچانت بجيبة أربع أوراق ونص هم أخذوهِن.... تالـي طلع بالگوّة، گالو: رجّال چبير

.
رجع (بابا نويل) للبيت اللي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها،سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حماروعربانة مكسرة إجو أخذوهن الدوّارة أهل الطحين وراحوا

.
ويدكهة الرجّال مشي من بغداد لبيتهم حتى فلوس كيا بجيبه ماكو ..وگال ويه روحه: آني أجي لبغداد بعد!! المهم وهو بطريق الرجعة وما يعرف شيسوي طگت يمة مفخخة چان ينشمرويوگع بالكاع، وإتبهذل... صفن وگال: وِلكَمْ شكو؟؟.. منو ليش؟؟.. حقة ما يعرف شنومفخخة.. وگوة فهموا شنو مفخخة

.
كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟ مسيحي لو كردي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله

..
وهسة هوة كلّش يكره الجهال وما يحب الهدايا وبس يباوع أفلام رعب وكام يشرب ويكبسل حته بس ينسه اللي صار بيه ومديفيد واشترى مسدسات ورشاشات ويصيح طول اليوم.... ويـن يــروح المطلـوب إلنـة...وهسه هوه عقله مو شي وأخذوه للشماعيه مالالقطب الشمالي وكلسع ايطب عله الدكاتره ويصيح اجتكم السياره المفخخه بممممممممممممممم ومخبل حته الدكاتره اللي بالمستشفى ويكولون الدكاتره ماكو أي أمل بعلاج بابا نؤيل

وهاي هية قصة بابا نؤيل المسكين

هههههههههههه خطيه بابا نؤيل هههههههههههههه

والعراقين همين ههههههههههههههه

شكرا على دخولك للقسم منور

مع تحياتي عشوقه

هههههههههههههههههههههههههههههه شكرااااا لمرورج الحلوووووو نورررتي

هههههههههههههههههههههههههههههههههههههههه

لك هاي شنو الله يساعده خطيه اش ورطه وجا للعراق

تحياتي

هههههههههههههههههههههههههههههههههههه شكراا لمرورك الحلووو صديقي

ههههههههههههههههه رووووعة منك ياكنغ بربي .مو غريبة عليك
العراب

واكيد اخويه مرورك هووو الروعه والرب يباركك

ههههههههههههههههههههههههههههههههههههههههه
خطية بابا نؤيل
شكرا عالموضوع الحلوووووو عاشت ايدك

تحياتي
فراشة الثلج

» عراقي رجع للعراق
» خمس ميداليات للعراق في التايكواندو العالمي
» لو عندك ساعة ترجع للعراق وين تروح وشنو تسوي ؟؟؟؟؟؟؟
» لمحبيي ..شمد بابا وبرونا ...بالسورث
» بابا غنوج للشيف اسامة