الى العراق

الى العراق
خلق حنيته ربنه بأطيب الطيب

يا أجمل عراق والنه سواك
البشر يوم المحن تنخاهه الاوطان
واحنه اشما يمسنه الظيم ننخاك
وطن لو شلت راسك تركع الكاع
والدنيا بكبرهه اتصيح حياك
خلق كل الأوطان ورشهن ابماي
بس انته ابعرك كل كصه رشاك
*********
الوطن مو كل بلد بالدنيه مخلوق
لأن كلمة وطن كلش جبيره
خلق هذا العراق وقرر اللــــــــه
مايخلق وطن بالدنيه غيره
لأن رادك نبي ومرسل للأوطان
وعله اوطان الأرض رادك سفيره
عراق الدنيه محس بيدك اتلوك
وعله تاج الأرض تضوي انته ليره
لأنك شبه جنه بيا سمه اتصير
مو ثوبك ابد شبه الجزيره
**********
عراق انته العليك الغانمه افصال
ومعروف ويضل سيد زمانه
لاتقلق ترد وأيامك تعود
ويرجع ياوطن كلشي ابمكانه
وصية كل شهيد الرادك تكوم
ودمه الباقي بترابك أمانه
شك كلب الصخر وأسحك على النار
وشد حيل العزم وأطلق عنانه
وأذا رايد فده وتنخانه للموت
كلهه الخارطه اتناديك آنه

اتمنى ان ينال الأعجاب

منقولللل