تجيني الكهرباء من الصبح لحظات وافرح حيل بيهة اتكول محبوبي
ولو اكدر اكظهة بأيدي ما احتار جم امبير اضم لليل بجيوبي
اجتني شلون جية اتكول ملك الموت واول ما اجتني اغتالت كلوبي
اذا طولت ساعة ايصير حفلة البيت نص تركص عمارة ونص تدك جوبي
عدل ثوبي لبستة وطلع بالمكلوب مو مكلوب ثوبي اني مكلوبي
ظلمة وثوبي اسود واني ليل بليل ما اميز ايدية من ردن ثوبي
اني من شعب يحلم ينتل بس كون ويلزم كهرباء بأيدة وعسى احلامة تدوم
عدنا الينتل محسود ما ننعي على روحة انشغل ام كلثوم
جان الكيبل من انشوفة نشرد غااااد هسة الكيبلات انشر عليهة اهدوم
نتبادل تهاني من يوج اكلوب نوزع بالشوارع شربت وحلقوم
اكو واحد بصفنة اشتغل عندة كلوب ما صدك فرحتة وودع المرحوم
تعرف ليش تطفئ السبب طلعنا مشتكية الطيور الي على التيول اتحوم[center]
السبت أغسطس 08, 2009 4:38 pm
